|
| |||||||
| منتدي نصره رسول الله( عاليه الصلاه والسلام ) لكل مسلم ومن أجل نصره رسول الله عاليه الصلاه والسلام من مواضيع عامه خاصه بالقضيه المطروحه ناقش وعبر عن رايك هنااا |
 |
| | LinkBack | أدوات الموضوع | انواع عرض الموضوع |
04-03-2008, 05:28 PM
| #1 | |||||||
| حتى المقاطعة أبسط أسلحة الدمار الشامل ، لا نتقنها ؟ الغريب أن المقاطعة بمفهومها العربي هي أقل ما يمكن أن يفعله أي إنسان كسول ( برطه ) بمعنى أنني و أنا باتمشى في السوبر ماركت أبص على اللي رايحة و اللي جايه ، بدلا من أخذ هذا الجبن الدينماركي اللي بينتهي الرقم اللي عليه ب( 57 ) أمد إيدي و آخد اللي جنبه بعشرة سنتيمتر الجبن الإسباني ، و لما أسبانيا تنشر الرسوم أبقى أقاطعهم هم كمان و أمد إيدي شوية على بعد عشرين سنتيمتر و آخد الجبن الألماني ، و لما الألمان يتجرأوا و ينشروا سأقاطعهم و آخد الجبن اللي بعده ( الجبن الفرنسي ) ، و لما تتجرا فرنسا تنشر الرسوم و تمنع المحجبات المسلمات من لبس الحجاب ، برضه ها نقاطعهم و نمد إيدينا عشرة سنتيمترات أخرى ، بعد العناء الذي سنواجهه في مشي خطوة واحدة في السوبر ماركت لنأخذ الجبن الإسرائيلي ، و لما إسرائيل تعمل أي حركة نقص و تنزل ليل نهار تفجير و تقطيع في إخوانا الفلسطينيين أو ترجع تحفر النفق اللي تحت المسجد الأقصى ، نبقى يا سيدي نقاطعهم و نقاطع جبنتهم و نمشي خطوة كمان و نجيب الجبن الأمريكي ، و لما أمريكا تقل بأصلها و تحتل العراق مرة تانية ، أو حتى تفكر و لو مجرد تفكير إنها تساند إسرائيل صدقني ها نقاطعهم و نبهدلهم آخر بهدلة و نضرب إقتصادهم في مقتل ، و ماعدش هايبقى فيه حاجة إسمها أمريكا دي خالص على وجه الدنيا ، و ها نجاهد و نمشي خطوة زيادة في السوبر ماركت المكيف و ناخد الجبن الإنجليزي ، و مش هاقولك بقى اللي ممكن نعمله في الانجليز ، دا إحنا ها نبهدلهم بهدله ، ها نخليهم يقولوا حقي برقبتي ، بس خليهم كده يفكروا يقلوا بأصلهم معانا برضه هانقاطعهم و ناخد المرة دي بقى الجبن الهولندي ، و أه ثم آه لو هولندا هي كمان تقل بأصلها و تعرض الفيلم المسيء للإسلام برضه ها نقاطعم ، بس كل أنواع الجبن اللي على الرف خلصت ، عادي و الله لأرجع من تاني لأول الرف مرة تانية و آخد الجبن الدينماركي و لما الدينمارك بقى ترجع تنشر الرسوم مرة تانية ، و الله لبهدلهم مرة تانية و نقاطعهم و نعلمهم الأدب و نقاطع منتجاتهم و ناخد الجبن الإسباني مرة تانية و هلما جرة ، هما فاكرين الدنيا سايبة و الا إيه ؟؟؟؟؟؟؟ و الله لنأدبكم بلد بلد ، هو انتم فاكرين العرب و المسلمين شوية في العالم ده و إلا إيه ؟؟؟؟؟؟؟؟؟ يا أمة ضحكت من جهلها الأمم ، بالله عليكم لم تفكروا للحظة واحدة تعملوا جبنة ، جبنـــــــــــــــــــــــــــة ، مجرد جبنة ، أنا لا قلت لكم اعملوا طيارة شبح ، و لا صاروخ بلاستي ، و لا قنبلة نووية و لا غيره ، باقول لكم إعملو لكم شوية جبنة الأول ، يعني بالبلدي كده تجيبوا شوية لبن و إوعوا توصلوا اللبن لدرجة الغليان لتبوظوه ، بس تدفوهم شوية على النار ، و بعدين تحط عليه المنفحة اللي بتتاخد من معدة العجول ، هتلاقيها في الأجزخانة عاملينها أقراص دلوقتي ، و تسيبوهم شوية لما تتماسك و تتجبن ، و بعدين تقطعوها خرط و ترشوا عليها شوية ملح ، و ساعتها و الله العظيم لأقطع و أقاطع معاكم ، بس ها قاطع بجد ، مش كده و كده ، هاقاطع الجبنة بس ، هاقاطع لإني فرحان إننا نجحنا و عملناها عندنا ، و لما أشتري مش هاشتري غير جبنتنا العربية الإسلامية ، هاقاطع كل الجبن الدينماركي و النرويجي و الهولندي و الأمريكي و الإسرائيلي ، ها قاطع كل الجبن لأني صنعت البديل جبنة من صنع بلدي ، ما أكل أحد طعاما قط خيرا من أن يأكل من عمل يده ، من يملك قوته يملك كلمته ، هكذا تكون المقاطعة ، أقاطع شيء واحد و أجرب أنا عندي البديل و الا باضحك على نفسي ، على فكرة افتكرت حاجة غريبة جدا ، إن المقاطعة ليست أبدا من سنه محمد بن عبد الله ( صلوات ربي و سلامه عليه ) فما أعرفه عن سنة رسول الله صلوات ربي و سلامه عليه أنه عندما كان يؤذى من قبل جاره اليهودي ، فكان يضع له القاذورات و الزجاج المكسور و الشوك على باب بيته ( صلى الله عليه و سلم ) ليلا ، فإذا ما خرج لصلاة الفجر، داس بقدمه الشريفة على كل هذا و تأذت أذى شديدا ، و لما غاب هذا اليهودي يوما ، ذهب إليه رسول الله ( صلى الله عليه و سلم ) لزيارته و الاطمئنان عليه ، و عندما بحثت عن أصل للمقاطعة وجدتها فكرة الكفار عندما قاطعوا بني هاشم في شعب أبي طالب لأنهم منعوهم من إيذاء رسول الله ( صلى الله عليه و سلم ) ، هل تذكرون هذه المقاطعة ، و سبحان الله ، الكفار نجحوا في توحيد كلمتهم و قاطعوا بني هاشم بالفعل ، أما نحن فلم نفلح حتى في تقليد الكفار ، و المقاطعة أيضا فكرة غاندية غير مسلمة ، و نجح في قيادة شعبه لمقاطعة انجلترا و كل ما تصنعه انجلترا ، و لم ننجح نحن بتقليد هذا الغاندي الغير مسلم ، فلقد عادت الدينمارك و نشرت الرسوم ، كلاكيت تاني مرة ، بالله عليكم ماذا فعلت المقاطعة ؟؟؟؟؟؟؟؟؟؟؟؟؟ ها تعملوا إيه بقى دلوقتي ؟؟ أقولكم فكرة جميلة ؟؟؟ أقبلوا على شراء منتجاتهم بهبل عشان يحرموا ينشروا الرسوم مرة تالتة ، أما حاجة غريبة و الله ، لا حول و لا قوة إلا بالله العلي العظيم ، يا عالم يا هوووووووووووووووووه ، الغريب أن بعض المسلمين عندما كلمتهم على نشر الرسوم مرة أخرى و عدم جدوى هذه المقاطعة المزعومة ، رد بسلامته بكل كبرياء ، ـ لأ ما هو إنت مش فاهم ، هما نشروها تاني ليه ؟ ـ ليه يا ناصح ؟ ـ عشان خسروا ملايين الملايين من مقاطعتنا لهم فمن غيظهم و حقدهم علينا لأننا خسرناهم هذه الملايين قاموا ناشرين الرسوم تاني عشان نحرم نقاطعهم ، قلت له : يا سلاااااااااااااااااااااااااااااااااااااااااااااااا ااااااااااااااام ؟ بتتكلم جد ؟ تخيل أنا ماكانتش فاهم الموضوع بهذا الشكل ، نورتني الله يعمر بيتك . وريني طيب العصير اللي في إيدك ده ، الله الله الله ، الله على المقاطعة ، عصير دينماركي كمان ؟ رد بكل براءة ( آآآآآآآآآآآه ، معلش نسيت ، جل من لا يسهو يا أخي معلش ، أموت من الجوع يعني عشان ترتاح يا سيدي ، و آدي العصير ( تجرع آخر ما في العلبة من العصير ثم ألقاها فارغة و داسها بحذائه ) ، و بعدين مش لاقي حاجة أحلى منه بالسوق الصراحة ، يعني هيا جت على العلبة اللي أنا هاطفحها بالسم الهاري ، يعني ما تجيش غير على الغلبان اللي بيبر نفسه بعلبة عصير ؟ حاجة غريبة و الله ، ما تروح يا أخي تكلم الحكومة اللي مدخلاها كراتين كراتين ، و إلا إنت ما تقدرش غير على البردعة ، أما حاجة غريبة و الله ) | |||||||
 |
|
04-03-2008, 05:34 PM
| #2 | ||||||||
| بسم الله الرحمن الرحيم شـكــ وبارك الله فيك لموضوعك الممتازنصر الدين ننتظر منك الجديد بفارغ الصبر مدير الموقع طعس | ||||||||
| |
|
04-03-2008, 05:34 PM
| #3 | ||||||||
| بسم الله الرحمن الرحيم شـكــ وبارك الله فيك لموضوعك الممتازنصر الدين ننتظر منك الجديد بفارغ الصبر مدير الموقع طعس | ||||||||
| |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| السجن لقس استرالي عاشر ابنتيه10 سنوات لتدريبهما على واجباتهما الزوجية | أشيقر | منتدي الجريمه والعنف والقضايا الساخنه | 1 | 09-10-2007 12:16 PM |
| رحلتي للخبر والدمام والبحرين -كلاكيت ثان | الخفوق | طعس بوابة السفر إلى المملكة العربية السعودية | 1 | 06-17-2007 07:57 PM |
| تفاحة مكة !!! قاطعوا شركة ابل كمبيوتر | ط ع س | المنتدي العام | 9 | 10-13-2006 04:25 PM |
العرض العادي
