بريــداوي

السلام عليكم ورحمة الله وبركاته

احب احطلكم هالموضوع عن مكاين ال GM
الاجيال الجديده السمول بلوك واللي تعتبر راس حربة المحركات الامريكية .. واللي استخدمت على سيايير الGM فالسنوات ال15 الاخيرة. طبعا ال350 او السمول بلوك موجوده من زمان. بس انا بشرح عن المكاين الانجكتر الجديدة. و تنقسم هالمكاين لاربع اجيال .


الجيل الاول
كانت هذه تجربة شيفروليه لمكاين الكامات العلوية . سنة 1990 نزلت مكينه ال LT5 على الكورفت ZR-1. شيفروليه استعانت بشركة لوتس لتصنيع الهدات الجديدة و الشركة المسؤولة عن تصنيع هالمكاين المميزة كانت ميركوري مارين. المكاين اللي تصنعت للكورفت ZR-1 من 1990 لين 1992 كانت تنتج 375 حصان. اما المكاين من 1993 لين 1995 طوروها و قامت تنتج 405 احصنة .



الجيل الثاني

فسنه 1992 شيفروليه نزلت ال LT1 كموديل يديد لل LT1 اللي نزلت سنة 1970 . وهالمكينه نظامها الكام الوسطي , بس الجديد فيها كان انهم غيرو نظام التبريد لنظام التبريد العكسي و اللي يبرد الهدات مما يسمح للمكينه انها تستحمل الضغط العالي . هالمكينه كانت تنتج 275 حصان على الكمارو والترانز , 305 احصنه على الكورفت و الترانس الرام جيت, 260 حصان على الكابرس اس اس و البويك رود ماستر و الكادلاك فليتوود. و نزل موديل خاص منها سموه LT4 على سياير الكورفيت الجير العادي و الجراند سبورت سنة 1996 واللي تنتج 330 حصان. هالاخيرة مشابهة لل LS-1 اللي نزلت سنه 1997

هذه هي ال LT1



وهذه ال LT4


الجيل الثالث

نزلت مكاين الجيل الثالث سنه 1997. بدت شيفروليت هالجيل ب LS-1 اللي هي مطوره عن ال LT-1.
اول ما نزلت نزلت على الكورفيت يوم غيروا شكله. بعدين خلوها المكينه الاساسيه للكمارو و الترانز من 1998 لين ما وقفوا انتاجهم ف 2002. نزلت بعد على سيايير الهولدن و الكابريس و اللومينا عندنا فالخليج
و البونتياك GTO و الشيفروليه SSR و نزلت بعد باحجام مختلفه 4800, 5300 و 6000 على الفوروييل , مثل الكاديلاك اسكاليد

هذه هي ال LS-1




المكينه الثانيه هي LS6. نزلت هالمكينه اول مره سنه 2002 على الكورفيت ZO-6 و هي نفي ال LS1 بس الهدات و البلوك المينيوم و الانتيك مطور و الكام لفته اعلى . استخدمت جي ام هالمكينه على الكورفيت ZO-6 و سيايير الكاديلاك الفئة V.

هذه ال LS6
[img]chevrolet.com/ChevySmallBlockV8s/images/12561150abig.jpg[/img]

الجيل الرابع

اخر جيل نزل من السمول بلوك. شيفروليه قررت فهالجيل انها تكبر مكاين السمول بلوك لان هالحجم طووول على سياييرها (350)!! هالمكينه سموها LS2

نزلت هالمكينه اول مرة على الكورفيت الجيل السادس فهالسنه و حجم المكينه 6,0 لتر و تنتج تقريبا 400 حصان و نزلت هالمكينه ( و بتنزل) على الكورفت 2005 و البونتياك GTO و الشيفروليه SSR 2005 و الكاديلاك CTS-V 2006 والتريل بليزر اس اس 2006 .

هذه ال LS2




واخر مكينه انتجتها شيفروليه هي ال LS7 و اللي تعتبر ثوره فمكاين الكامات الوسطيه لاستخدامها نظام
يسمح للمكينه انها تشتغل بهيد واحد يعني 4 سلندرات , و هالمكينه فيها 3 والات للسلندر الواحد.
هالمكينه ما تعتبر جديده بالضبط لان شيفروليت استخدمتها لسياراتها في سباق الل24 ساعه Le-Mans

الLS7 حجمها 7.0 لتر و الكونكتنج رودز مصنوعين من التايتانيوم و الكرنك والبساتن فورج ستيل.
تنتج هالمكينه 505 احصنه و هي تعتبر اقوى سمول بلوك شيفروليه انتجتها لسيارات الشوارع. هالمكينه بيكون تصنيعها يدوي بالكامل و بتنتج شيفروليه عدد محدود منها كل سنه.



وللأمانه الموضوع منقول بس للاستفاده منه ومن عجائب الـ Gm
v
v
v
v
v





تحياااااااااااااتي

التوقيع - بريــداوي

المهتوي

مشكور أخوي

بريداوي

على هذا الموضوع

مع تحيات المهتوي

المهتوي

مشكور أخوي

بريداوي

على هذا الموضوع

مع تحيات المهتوي

ط ع س

مشكور اخوي
على الموضوع الممتاز
ارجو المزيد
تحياتي

التوقيع - ط ع س

صقر الصحراء

شكرا جزيلا على الموضوع

ويعطيك العافية

قناص

مشكووووووووور اخوووي


على الموضوع الرائع


تسلم


ننتظر جديدك


تحياتي

ديمه

التوقيع - ديمه