طال البعاد ورحت اغنيك وابكيـك
واخذك من عيني واحطك بعينـي
انت الوحيد الي من الناس مغليك
يافرحة احلامي وروعـة سنينـي
انا فدى رمشك وخـدك وعينيـك
وكلي فدى عمرك يالوعة حنينـي
ابيع غيرك يا هنى العمر واشريك
قلبك ما احد غيره قدر يحتوينـي
رميت مجدافي بشاطـي موانيـك
وجلست اناظر فوق خدي يدينـي
وشراعي البالي طويتـه بياديـك
واخذتني كلـي بزينـي وشينـي
وخليتني محتارواتبـع خطاويـك
واسمع هدير الموج بينك وبينـي
اضغط علي قلبي وداريك وارضيك
اخاف من بعض الجفـا يبتلينـي
ارفـق علـي ولاتـزود تغليـك
تري خفوقي من فراقـك حزينـي
انت القمر والعين تتبع مساريـك
من وين ما وجهت تتبعك عينـي