معلومة مفيدة
يابنات طبعا الدقيق بيبقى مش مضمون ازا كان نوعة كويس ولا لأ وبما انكم لسة فى الاول بتتعلموا وازا صادفك وانتى بتعملى العجينة وطلع نوع الدقيق وحش و طبعا لقلة خبرتك مابتعرافيش تعالجى العجينة فى ساعتها و الوصفة كلها بتبوظ منك علشان كدة عيزاكم تستخدموا احتياطى ( محسن الدقيق ) دة بيبقى شكله زى الدقيق ولونة ابيض برضة و بيتباع عند محلات لوازم الحلويات والتورت ورخيص و بتشترية بالجرام كفاية و خلية عندك واستخدمية فى كل مخبوزاتك زى العيش و الفطاير و الكرواسان و البيتزا ...الخ
طريقة محسن الدقيق : على كل كيلو دقيق تضعى معلقة صغيرة مليانة ...
او على مقدار الخميرة تضعى نصها محسن دقيق ( بمعنى ) ازا كنتى مش حتستعملى دقيق بالكيلو و حتستعملية بالكوب يبقى تشوفى انتى حتحطى خميرة اد اية ؟؟ مثلا 2 معلقة خميرة يبقى تحطى 1 معلقة محسن دقيق و ازا مثلا معلقة واحدة خميرة يبقى نص معلقة محسن دقيق وهكزا
بالنسبة للعيش ياريت لو يكون عندك القوالب المخصوصة بالعيش زى القوالب الطويلة الرفيعة المخصوصة للعيش الفينو و القوالب الصغيرة اللى بنعمل فيها الكيك ودى علشان العيش التوست وهكزا حتريحك جدا و مقاسه حيطلع مظبوط و مستوى و دول حتلاقيهم فى درب البرابرة كانوا الاول بيتعملوا عمولة و بالطلب لكن دلوقتى متوفرين جاهزين اطلبيهم بالاسم وهما بيبقوا زى الحديد لان لما زاد الطلب عليهم بقوا متوفرين
11-08-2006, 07:11 PM
المواضيع المتشابهه 
العرض العادي
